भांबोर्यात पारंपारिक पध्दतीने शिवजयंती उत्साहात संपन्न
शंभुराजे इंग्लिश मेडिअम स्कूलचे विद्यार्थी पारंपारिक वेशभूषा करुन मिरवणुकीत सहभागी झाले. जय भवानी, जय शिवाजी, हर हर महादेवच्या घोषणांनी परिसर दणाणून गेला होता. गावप्रदक्षिणेत लहान मुले, महिला, तरुण, ग्रामस्थ सहभागी झाले होते. संपूर्ण प्रदक्षिणा मार्गावर सडा, रांगोळी काढण्यात आली होती. ग्रामपंचायतीच्या प्रांगणामध्ये शालेय विद्यार्थ्यांनी छत्रपती शिवाजी महाराजांच्या जीवनातील अनेक प्रसंग भाषणांमधून सांगितले. त्यानंतर शिवप्रतिमेची पारंपारिक आरती करून फटाक्यांची आतषबाजी करण्यात आली. शिवजयंती उत्सवामुळे संपूर्ण सिद्धटेक परिसर शिवमय झालेला होता.
