लग्नासाठी निघालेल्या गाडीस अपघात; एक जण जागीच ठार
याबाबत समजलेली माहिती अशी की, राहुरी कारखाना येथील अरुण नरहरी गायकवाड यांच्या मुलाचा शुभविवाह पुणे जिल्ह्यात मंगळवारी सायंकाळी आयोजित करण्यात आला होता. या विवाह सोहळ्यास राहुरी कारखाना येथील काही मिञ आय 20 गाडी क्रमांक (एम एच 11 बी वाय 0080 ) या गाडीतून विवाह सोहळ्याकडे जात असताना शिक्रापुर जवळ मालमोटारीची धडक बसून झालेल्या अपघातात अलिशान गाडीत पुढे बसलेले सुरेश जयवंत तनपुरे (वय 38) यांना जबरी मार लागल्याने ते जागीच ठार झाले.तर अन्य चौघे गंभीर जखमी झाले आहेत. त्यांच्यावर शिक्रापुर येथील सुर्या हॉस्पीटल मध्ये उपचार सुरु आहेत. त्यांची प्रकृती चिंताजनक असल्याचे वैद्यकीय सुञांनी उपस्थित मिञ परीवारांना सांगितले. जखमींना पुढील उपचारासाठी पुणे येथे हलविण्याचा सल्ला वैद्यकीय सुञाने दिला आहे. जखमींमध्ये योगेश जोशी, रविंद्र झावरे, सतिश सांगळे, रविंद्र पवार (सर्व रा. राहुरी कारखाना, गुरुकुल वसाहत ) हा अपघात शिक्रापुरपासून अवघ्या पाच कि.मी. अंतरावर घडला आहे. शिरुर पोलिसांनी अपघाताचा गुन्हा दाखल केला आहे. पुढील तपास पोलिस करत आहेत.
