मराठी ही ज्ञानभाषा होण्यासाठी सरकार भूमिका घेणार : मुख्यमंत्री

मुंबई : मराठी भाषा ज्ञानभाषा व्हावी म्हणून प्रयत्न करणे आवश्यक असल्याचे सर्वच साहित्यप्रेमींकडून आणि साहित्यिकांकडून बोलले जात आहे. याबाबत सरकारने भूमिका घेण्याची गरज आहे. ती भूमिका सरकार नक्की घेईल, अशी ग्हावी मुख्यमंत्री देवेंद्र फडणवीस यांनी मंगळवारी विधानभवनात दिली. यावेळी मुंबईत सुरू होणार्‍या मराठी भाषेच्या प हिल्या विद्यापीठाच्या जागेचा करार मुख्यमंत्री देवेंद्र फडणवीस यांच्या हस्ते ग्रंथालीला देण्यात आला. यावेळी मराठी भाषा व सांस्कृतीक कार्यमंत्री विनोद तावडेही उपस्थित होते. मराठी भाषेचे विद्यापीठ मुंबईत व्हावे त्यासाठी जागा उपलब्ध करून देण्यात यावी, अशी विनंती ग्रंथालीने मुंबई भाजपा अध्यक्ष आमदार अ‍ॅड आशिष शेलार यांच्याकडे केली होती. त्यानुसार सलग दीड वर्षे पाठपुरवा करून आमदार अ‍ॅड आशिष शेलार यांनी आपल्या वांद्रे पश्‍चिम विधानसभा मतदार संघात बॅण्डस्टॅण्ड येथे महापालिकेची जागा यासाठी उपलब्ध क रून दिली. आज मराठी भाषा गौरव दिनाच्या निमित्ताने विधानभवनात मुख्यमंत्री फडणवीस यांच्या हस्ते ग्रंथालीचे संस्थापक दिनकर गांगल यांच्याकडे औपचारीक कार्यक्रमात हा करार सुपुर्द करण्यात आला. तसेच यावेळी ग्रंथालीच्या कार्यालयासाठी माहिम टायकलवाडी येथील जागेचा करार ही ग्रंथालीकडे सुपुर्द करण्यात आला. दोन वर्षापुर्वी मुंबई महापा लिकेने अचानक ग्रंथालीला विद्यमान कार्यालयाची जागा खाली करण्याची नोटीस दिली होती. त्यावेळी साहित्य वर्तुळात खळबळ उडाली होती. त्याचवेळी तातडीने अ‍ॅड शेलार यांनी पुढाकार घेऊन पर्यायी जागा उपलब्ध करून देण्याची ग्वाही देत त्याचा पाठपुरवा केला. त्यानुसार आज नव्या जागेचा करारही मुख्यमंत्र्यांनी ग्रंथालीला सुपुर्द केला.
दरम्यान, यावेळी बोलताना मुख्यमंत्री म्हणाले की, ग्रंथाली ही एक वाचक चळवळ आहे. गेली अनेक वर्षे ज्ञानाच्या क्षेत्रात ग्रंथाली काम करते आहे. पण दुदैवाने महापा लिकेच्या एका निर्णयामुळे त्यांना कार्यालय खाली करण्याचा विषय समोर आला. पण त्या कामी अ‍ॅड शेलार यांनी पुढाकार घेऊन हा विषया मार्गी लावला आज त्या जागेचा करार ग्रंथालीकडे सुपुर्द करताना मला आनंद होतो आहे. तसेच आज मराठी भाषेचा गौरव दिन आहे त्याच दिवशी मराठी भाषेसाठी काम करणार्‍या विद्यापीठाच्या जागेचा करार ही आपण करतो आहोत. मराठी भाषेचे काम करणार्‍या उपक्रमाला आवश्यक ती मदत यापुढे करकारकडून करण्यात येईल, अशी ग्वाही मुख्यमंत्र्यांनी दिली.