रहिवासी भागात बिबट्याचा मुक्त संचार पाळीव कुत्र्याचा पाडला फडशा
शुक्रवारी {दि.२३} पहाटे पाच वाजण्याच्या सुमारास हा प्रकार घडला. पंपीग स्टेशनजवळ पारिजात कॉलनीत राहणारे रविंद्र शिंदे यांच्या घराबाहेर बांधलेल्या कुत्र्याचा सकाळी संशयास्पद मृत्यू झाला. त्यामुळे शिंदे यांनी आपल्या घरातील सीसीटीव्ही फुटेज तपासले असता त्यात पहाटेच्या वेळी बिबट्या आल्याचे तसेच तो परत जात असल्याचे चित्रिकरण झाल्याचे आढळून आले. तसेच त्याने या कुत्र्याचा बळी घेतल्याचे स्पष्ट झाले.विशेष म्हणजे वनविभागाकडे यासंदर्भात कोणतीही माहिती नसल्याचे सांगण्यात आले. वनविभागाने या परिसरात वावरणाऱ्या बिबट्याला जेरबंद करावे, अशी मागणी होत आहे.
