श्री क्षेत्र बहिरवाडी येथे वेदमंत्राच्या जयघोषात श्री कालभैरवनाथांच्या मूर्तीची प्राणप्रतिष्ठा

नेवासा/प्रतिनिधी/- नेवासा तालुक्यातील जागृत असलेल्या श्री क्षेत्र बहिरवाडी येथील प्रवरानदीच्या मध्य धारेवर नव्याने बांधण्यात आलेल्या मंदिरामध्ये सोमवार दि.५ फेब्रुवारी रोजी कलशारोहन व श्री कालभैरवनाथांच्या मूर्तीची वेदमंत्राच्या जयघोषात गुरुवर्य भास्करगिरी महाराजांच्या हस्ते प्राणप्रतिष्ठा करण्यात आली. 

यावेळी श्री क्षेत्र बहिरवाडीचा परिसर "नाथांच्या नावाने चांगभल"च्या जयघोषाने दुमदुमला. श्री क्षेत्र बहिरवाडी येथे कालभैरवनाथांच्या मूर्तीच्या प्राणप्रतिष्ठा निमित्त त्रिदिनात्मक कार्यक्रमाचे व शिवलीलामृत पारायण सोहळ्याचे आयोजन करण्यात आले होते.यावेळी झालेल्या प्राणप्रतिष्ठा सोहळ्याला गुरुवर्य भास्करगिरी महाराज समवेत महंत चंद्रशेखर भारती महाराज,आमदार बाळासाहेब मुरकुटे,विठ्ठलराव लंघे पाटील उपस्थित होते.