गुणवत्तापूर्ण विकासावर भर दिल्याने शाळेचा नाव लौकिक वाढला .
कार्यक्रमाचे प्रास्ताविक प्राचार्य प्रवीण ढाले यांनी करून शाळेच्या विविध व वैशिष्ट्य पूर्ण उपक्रमांची माहिती दिली. यावेळी बेटी बचाओ-बेटी पढावो, मेरी बेटी-मेरा अभिमान या उपक्रमातील माता व विद्यार्थिनींच्या फोटो फलकाचे उपस्थित पाहुण्यांनी कौतुक केले. पाहुण्यांचे स्वागत संस्थेचे अध्यक्ष विष्णू कराळे यांनी केले. पाहुण्यांचा परिचय पल्लवी सोनवणे यांनी केला.
बक्षीस वितरनामध्ये विविध खेळामध्ये प्राविण्य मिळविलेल्या खेळाडू व संघास आणि गुणवत्ता प्राप्त विद्यार्थ्यास पदक , चषक , प्रशस्तीपत्र देऊन गौरविण्यात आले . या कार्यक्रमासाठी प्रमुख पाहुणे म्हणून विद्यार्थ्यांच्या आजोबांना आमंत्रित करण्यात आले होते.रामदास जरे, झुंबरराव शेळके, जाफरभाई शेख, नानासाहेब डांगे, धोंडीराम सोनवणे, चांगदेव आठरे , कचरू पुंड , बापूराव सोनवणे , बाबासाहेब झिने तर उपस्थितांमध्ये माजी उपसभापती दिलीप लोखंडे, कांगुणीचे सरपंच आण्णासाहेब शिंदे, अण्णासाहेब बोरूडे, पप्पूशेठ शेख, राजू लांडे, दिलीप शिंदे, शिक्षक पालक संघाचे अध्यक्ष डॉ. सुनील बोरूडे व सर्व सदस्य उपस्थित होते.सूत्रसंचालन सारिका बोरूडे तर आभार प्रदर्शन मीनाक्षी कारले यांनी केले.
