लाच मागणार्‍या उपविभागीय अधिकार्‍याला लाचलुचपत विभागाकडून अटक.
सिल्लोड तालुक्यातील चांदापूर येथे तक्रारदाराची 29 एकर कुळ जमीन आहे. मात्र या जमिनीचे बनावटी दस्तावेज तयार करुन विक्री करण्यात आली होती. ही बाब तक्रारदाराच्या लक्षात आल्यावर त्यांनी उपविभागीय अधिकारी माचेवालकडे विक्रीवर स्थगिती देण्याची मागणी केली. मात्र स्थगिती देण्यासाठी माचेवालने एक लाखाची मागणी केली. या प्रकरणी तक्रारदाराने लाचलुचपत प्रतिबंधक विभागाकडे तक्रार केली. त्यांच्या तक्रारीवरुन लाचलुचपत विभागाच्या अधिकार्‍यांनी रत्नाकर साखरे आणि उपविभागीय अधिकारी माचेवाल यांना अटक केली.
