बोंड अळीच्या पार्श्वभूमीवर रामगिरीवर उच्चस्तरीय बैठक
गुलाबी बोंड अळीचा प्रादुर्भाव पाहता पुढच्या वर्षीसाठी घ्यावयाची काळजी आणि त्यासाठी करावयाचे उपाय यावर सुद्धा या उच्चस्तरीय बैठकीत चर्चा झाली. यातून उद् भवलेल्या किटकनाशक फवारणीच्या समस्या बाबतही चर्चा झाली. शेतकऱ्यांना चांगले बियाणे उपलब्ध करुन देण्याची गरज यावरही भर देण्यात आला. माजी केंद्रीय कृषी मंत्री शरद पवार यांनीही व्हिडिओ कॉन्फरसिंगद्वारे बोंड अळी प्रादुर्भावासंदर्भात आपले मत मांडले. कृषी क्षेत्रातील विविध मान्यवरांनी सुद्धा आपली मते व्यक्त केली. या सर्व सूचनानंतर केंद्रीय कृषी मंत्र्यांनी राज्याला सर्वतोपरी मदत देण्याचे आश्वासन दिले.