पगार थकल्याने पुण्यात शहर बस चालक संपावर
पुणे प्रतिनिधी :- महानगर परिवहन (पीएमपी) महामंडळाला कंत्राटी पद्धतीने बससेवा पुरविणार्‍या ठेकेदारांचे बसचालक थकीत वेतनासाठी संपावर गेल्यामुळे प्रवाशांचे हाल होत आहेत. तर दुसरीकडे पीएमपीएमएलचे व्यवस्थापकीय संचालक तुकाराम मुंढे यांनी पसन्ना, पर्पलसोबतचा करार रद्द केला आहे.
पीएमपीने सार्वजनिक वाहतुकीसाठी भाडेतत्वावर काही खासगी बस चालवते. त्यामध्ये प्रसन्ना, पर्पल या खासगी संस्थेच्या 200 बस रोज रस्त्यावर धावतात. या बसचे चालक आज नियमित वेतन मिळत नसल्याचे कारण देत संपावर गेले आहेत. त्यामुळे प्रवाशांचे हाल होत आहेत.
पीएमपीने सार्वजनिक वाहतुकीसाठी भाडेतत्वावर काही खासगी बस चालवते. त्यामध्ये प्रसन्ना, पर्पल या खासगी संस्थेच्या 200 बस रोज रस्त्यावर धावतात. या बसचे चालक आज नियमित वेतन मिळत नसल्याचे कारण देत संपावर गेले आहेत. त्यामुळे प्रवाशांचे हाल होत आहेत.
याबाबत मुंढे म्हणाले की पर्पलने सर्व बस दररोज चालवल्या नाहीत. त्यामुळे त्यांचे पैसे रोखून धरले. म्हणूनच हा संप घडवून आणल्याचा आरोप मुंढे यांच्याकडून करण्यात आला आहे. यामुळेच मागील 2 महिन्यांपासून चालकांचे पगार झालेले नाहीत. याचा परिपाक संपात झाला आहे. कोथरूडमधील साधारण 200 पीएमपी बसचे चालक संपावर आहेत.
