क्रीडा तपस्वी पुरस्कार प्रदान.

औरंगाबाद, दि. 24, नोव्हेंबर - सुधीरदादा जोशी यांच्या स्मृतिनिमित्त दिला जाणारा ‘क्रीडा तपस्वी’ पुरस्कार खो-खो व कबड्डी या खेळांचे क्रीडा संघटक शिवाजी खांड्रे व कोल्हापूर येथील जिम्नॅस्टिक प्रशिक्षक शंकर आरोसकर यांना प्रदान करण्यात आला. हा सोहळा मराठवाडा सांस्कृतिक मंडळ येथे झाला. ऑलिम्पियन व मेजर ध्यानचंद पुरस्कारार्थी सय्यद हकीम प्रमुख पाहुणे म्हणून उपस्थित होते. 

त्यांच्या हस्ते पुरस्कार विजेत्यांचा गौरव करण्यात आला. निवृत्त सनदी अधिकारी कृष्णा भोगे, मकरंद जोशी व जिम्नास्टिक्स संघटनेचे अध्यक्ष संकर्षण जोशी उपस्थित होते. अश्‍विनी रोंघे यांनी सन्मानपत्राचे वाचन केले. खेळाडूंनी अ‍ॅक्रोबेटिक्स व एरोबिक्सची चित्तथरारक प्रात्यक्षिके सादर केली.