मिरज तालुक्यातील शेतकर्यांना ट्रॅक्टर वाटप
या योजनेंतर्गत मिरज तालुक्यातून ट्रॅक्टरसाठी एकूण 585 व इतर अवजारांसाठी 840 अर्ज प्राप्त झाले होते. प्राप्त अर्जापैकी लकी ड्रॉ पध्दतीने ट्रॅक्टरसाठी 110 व इतर अवजारांसाठी 85 लाभार्थी शेतकर्यांची निवड करण्यात आली. यासाठी एकूण 84 लाख रूपये अनुदान प्राप्त आहे.
शेतकरी निवड झाल्यावर कृषि विभागातील सुचनेनुसार पूर्व संमती देवून शेतकर्यांना ओपन मार्केट मधून त्यांच्या आवडीनुसार ट्रॅक्टर व अवजारे खरेदी करण्याचे उद्दिष्ट आहे. त्यानुसार आज अखेर मिरज तालुक्यात एकूण 31 ट्रॅक्टर व 35 इतर अवजारांची खरेदी प्रक्रिया पूर्ण केली आहे. त्यानुसार संबंधीत लाभार्थींच्या खात्यावर 54 लाख रूपये अनुदान वर्ग करण्यात आले आहे.
