जत नगरपरिषदेच्या सार्वत्रिक निवडणुकीसाठी सुधारित कार्यक्रम जाहीर
या निवडणुकीची आचारसंहिता दिनांक 7 नोव्हेंबर रोजीपासून लागू झाली असून ती निवडणुकीचा निकाल जाहीर होईपर्यंत अंमलात राहील. आचारसंहिता सार्वत्रिक निवडणूक असलेल्या संपूर्ण नगरपरिषद क्षेत्रामध्ये लागू राहील.
निवडणूक कार्यक्रम पुढीलप्रमाणे
जिल्हाधिकार्यांनी निवडणूक कार्यक्रम जारी करण्याची तारीख - मंगळवार, दिनांक 14 नोव्हेंबर. नामनिर्देशनपत्र राज्य निवडणूक आयोगाने निश्चित केलेल्या वेबसाईटवर भरण्याक रिता उपलब्ध असण्याचा कालावधी - गुरूवार, दिनांक 16 नोव्हेंबर ते बुधवार दिनांक 22 नोव्हेंबर (सकाळी 11 ते दुपारी 3 पर्यंत). नामनिर्देशनपत्रे स्किारण्याचा कालावधी गुरूवार, दिनांक 16 नोव्हेंबर ते बुधवार दिनांक 22 नोव्हेंबर (सकाळी 11 ते दुपारी 3 पर्यंत), रविवार दिनांक 19 नोव्हेंबर या दिवशी नामनिर्देशनपत्र स्विकारण्यात येणार नाहीत. नामनिर्देशनपत्राची छाननी व वैधरित्या नामनिर्देशित झालेल्या उमेदवारांची यादी प्रसिध्द करण्याचा दिनांक - गुरूवार दिनांक 23 नोव्हेंबर रोजी सकाळी 11 वाजल्यापासून. नामनिर्देशनपत्रे मागे घेण्याचा दिनांक अपील नसेल तेथे - मंगळवार, दिनांक 28 नोव्हेंबर दुपारी 3 वाजेपर्यंत, अपील असल्यास अपिलाचा निर्णय ज्या तारखेस करण्यात येईल. त्या तारखेनंतर तिसर्या दिवशी किंवा तत्पूर्वी. निवडणूक चिन्ह नेमून देण्याचा तसेच अंतिमरित्या निवडणूक लढविणार्या उमेदवारांची यादी प्रसिध्द करण्याचा दिनांक - उमेदवारी मागे घेण्यासाठीच्या शेवटच्या दिवसानंतरच्या लगतच्या दिवशी. आवश्यक असल्यास मतदानाचा दिनांक - रविवार, दिनांक 10 डिसेंबर रोजी सकाळी 7.30 वाजल्यापासून ते सायंकाळी 5.30 वाजेपर्यंत. मतमोजणी व निकाल जाहीर करण्याचा दिनांक - सोमवार, दिनांक 11 डिसेंबर रोजी सकाळी 10 वाजल्यापासून.
