इस्त्रायलच्या चीफ ऑफ ग्राऊंड फोर्सेसने केला आर्मर्ड कोअर सेंटरचा दौरा
आर्मर्ड कोअर सेंटर अँड स्कूल चे कमांडंट मेजर जनरल नीरज कपूर यांनी या प्रतिनिधी मंडळाचे स्वागत केले.तसेच कमांडट कपूर यांनी त्यांना एसीसी अँड एस च्या स्थापने पासून आज पर्यंतची उपलब्धी व प्रशिक्षण पध्दतीबाबत माहिती दिली. त्यानंतर प्रतिनिधी मंडळाला आर्मर्ड कोअर सेंटर अँड स्कूल मध्ये दिल्या जाणा-या आधारभूत, अत्याधुनिक तांत्रिक व युध्द प्रशिक्षणाबाबत माहिती देण्यात आली. प्रतिनिधी मंडळाने सेंटरमधील स्कूल ऑफ टेक्निकल ट्रेनिंग,स्कूल ऑफ आर्मर्ड वॉरफेयर ची देखील पाहणी केली. यावेळी रिक्रुट व युवा अधिका-यांनी प्रशिक्षण कौशल्याचे प्रदर्शन केले.या दौर्याच्या वेळी इस्त्रायल च्या प्रतिनिधी मंडळाने विश्वविख्यात कॅवलरी टैंक म्युझियमलाही भेट दिली.
