मालमोटारींच्या धडकेत 4 जखमी

हिंगोली, दि. 24, नोव्हेंबर - आज पहाटे नांदेड रस्त्यावर दोन मालमोटारींची समोरासमोर धडक होवून चारजण जखमी झाले. यात दोन्ही वाहनांचे मोठे नुकसान झाले आहे. या अपघातातील ट्रक क्र. एमएच 26-26 एडी 7022 हा हिंगोलीहून नांदेडकडे जात असताना समोरून नांदेडकडून येणा-या ट्रक क्र. एपी-07 -टीबी-0235 ने समोरासमोर धडक दिली. 

या अपघातात मारोती रामा बोईनवाड (30, रा. बोधरी बु. ता. किनवट), राजू अंकुश गुंडेवार (35, कामठा ता. किनवट) व म. फेरोज, फुलाराव सोशलू (50, रा. आंध्रप्रदेश) हे चार चालक क्लिनर गंभीर जखमी झाले. या चौघा जखमींना पुढील उपचारासाठी नांदेड येथे पाठविण्यात आले आहे.