प्रेस क्लब व लायन्स क्लबच्या वतीने 26-11 च्या दहशतवादी हल्ल्यातील शहिदांना श्रध्दांजली

अहमदनगर (प्रतिनिधी)- 26-11 ला मुंबईत झालेल्या दहशतवादी हल्ल्यातील शहिद जवान व पोलिसांना प्रेस क्लब व लायन्स क्लब ऑफ अहमदनगर च्या वतीने हुतात्मा स्मारक येथे पुष्पचक्र वाहून व मेणबत्त्या प्रज्वलीत करुन श्रध्दांजली वाहण्यात आली. यावेळी प्रेस क्लबचे अध्यक्ष मन्सूर शेख, लायन्सचे अध्यक्ष जस्मितसिंग वधवा, डॉ.संजय असनाणी, डॉ.अमित बडवे, हरजितसिंग वधवा, धनंजय भंडारे, आश्‍विनी भंडारे, प्रशांत मुनोत, महेश महाराज देशपांडे, निष्कर्ष होलम, योगेश भंडारी, संजय आंधळे आदिंसह महाविद्यालयीन युवक उपस्थित होते.

 
निष्कर्ष होलम या बालकाच्या हस्ते हुतात्मा स्मारकावर पुष्पचक्र वाहून श्रध्दांजली कार्यक्रमास प्रारंभ करण्यात आले. प्रास्ताविक हरजितसिंग वधवा यांनी केले. कवी संजय आंधळे यांनी आपल्या कवितांद्वारे शहिदांना श्रध्दांजली वाहिली. देशांच्या सीमांचे रक्षण लष्करातील जवान करत असतात. तर देशांतर्गत सुरक्षा व शांतता अबाधित ठेवण्यासाठी पोलिस दल कार्यरत असते.

 देशावर संकट आल्यास भारतीय जवान व पोलिसांनी अनेकवार शौर्याचा परिचय देत प्राणाची आहुती दिली आहे. दहशतवादी हल्ले रोखण्यासाठी नागरिकांनी देखील जागृक राहून, देशाप्रती असलेले कर्तव्य पार पाडण्याचे आवाहन यावेळी करण्यात आले. राष्ट्रगीताने कार्यक्रमाची सांगता झाली.