खंडणीसाठी मित्रांनीच केल मित्राच अपहरण आणि खून.

डोंबिवली : खंडणीसाठी दोन मित्रांनी मित्राचेच अपहरण करून त्याचा खून केल्याची घटना उघडकीस आली आहे. मयूर एकनाथ डोळसे असे हत्या झालेल्या तरुणाचे नाव असून या हत्या प्रकरणातील आरोपी गोकुळ परदेशी आणि प्रमोद राजपूत यांना कोळसेवाडी पोलिसांनी अटक करून न्यायालयात हजर केले. न्यायालयाने त्यांना पोलीस कोठडी सुनावली आहे.

मयत मयूर डोळसे हा मूळचा जळगाव जिल्ह्यातील मुंडाळा गावातील रहिवासी असून तो कल्याण पूर्वेत एका भाड्याच्या घरात राहत होता. लोअर परळ येथे रेल्वेत प्रशिक्षणार्थी म्हणून कामाला होता, तर दोघेही आरोपी हे अंबरनाथमधील वडवली येथे राहणारे असून ते मयूरच्या गावातील असल्याने त्यांची पहिल्यापासून ओळख होती. गोकुळ आणि प्रमोद यांना पैशांची गरज असल्याने त्यांनी मयूरच्या कुटुंबाकडून खंडणी उकळण्याचा कट रचून मयूरला ८ नोव्हेंबरला आरोपी गोकुळने भेटायला बोलावले होते.

ब्रेकिंग न्यूज अपडेट्स साठी दैनिक लोकमंथन चे फेसबुक पेज लाईक आणि ट्विटर वर फॉलो करा