भारत महासत्ता होण्यासाठी भारतीयांनी चिनी मालावर बहिष्कार टाकणे गरजेचे
सी.ए.ज्ञानेश्‍वर काळे यांनी भारत व चीन संबंधाच्या सद्यस्थितीवर सविस्तर विवेचन केले.आपल्या देशाचे परदेशी मालामुळे मोठ्या प्रमाणावर होणारे नुकसान यावर बोलतांना ते म्हणाले, चीनने 1962 च्या युद्धात आपला 37500 चौरस किलोमीटर भुभाग बळकविलेला आहे.तसेच पाकव्याप्त काश्मिरमधील 5 हजार 180 चौरस किलोमीटर भुभाग पाकिस्तान कडून परस्पर चिनला मिळालेला आहे.भारतातील अरुणाचल प्रदेशामधील 9 हजार चौ.कि.मी. भागावर चीन आपला दावा सांगत आहे. यावरुन आपल्या देशामध्ये सध्या युद्धसदृष्य परिस्थितीही निर्माण झालेली आहे. निश्‍चितच भारतीय बाजारपेठ मोठी असल्यामुळे सध्या चीनकडून भारतामध्ये चीनी बनावटींच्या देव-देवतांच्या मुर्ती,तसबीरी,माळा,पचत्या,आकाश कंदील,खेळणी,प्लॅस्टिकची फुले,फोटो फ्रेम,सौंदर्य प्रसाधने,मोबाईल्स आदि विविध वस्तूंची आयात केली जाते.याचा वापर सर्व भारतीयांनी टाळावा,असे आवाहन काळे यांनी के ले.चीनला एकप्रकारे या वस्तू आपण विकत घेऊन मदत करत आहोत.आपल्या देशाचा पैसा संपूर्णत: चीनला मिळतो.यामुळे या आपल्या देशात आर्थिक मोठे संकट उभे होत आहे.चीन हा एकीकडे भारतात घुसखोरी करण्याचा प्रयत्न करुन दुसरीकडे भारतीय बाजारपेठ काबीज करण्याचा प्रयत्न करत असल्यामुळे या देशाकडे शत्रुत्वाच्या नात्याने बघितले पाहिजे व त्यांचा माल निश्‍चितपणे घेणे टाळले पाहिजे,असे आवाहन त्यांनी केले.
चीनमुळे भारताच्या सुरक्षिततेला गंभीर धोका आहे हे आपण नुकतेच डोकलाम येथील लष्करी हलचालीवरुन ओळखले असेलच.याबरोबरच पाकिस्तानातील दशहतवादी मसूद अजहर व त्यांची संघटना जैसे मोहंमद तसेच सलाउद्दीन यांना आंतरराष्ट्रीय दहशतवादी घोषीत करण्यासाठी संयुक्त राष्ट्र परिषदेमध्ये चीन वारंवार विरोध करत आहे.यामध्ये चीनचा साफ उद्देश आपण लक्षात घ्यावा.सध्या भारत व चीन हे दोन्ही देश महासत्ता होण्यासाठी प्रयत्नात असून भारत देश महासत्ता कसा होणार नाही असा प्रयत्न चीनकडून सातत्याने केला जात आहे.यासाठीच चीनच्या मालावर भारतील सर्व नागरिकांनी बहिष्कार टाकावा,असे कळकळीचे आवाहन ज्ञानेश्‍वर काळे यांनी बोलतांना केले. कोट्यावधी भारतीयांचे श्रद्धास्थान असलेल्या मानस सरवर यात्रेलाही चीनने बंदी घालून भारतीयांच्या श्रद्धेवर आघात केला आहे.ब्रह्मपुत्रा नदीचे पाणी आडवून जलसंकटही निर्माण करण्याचा चीनचा प्रयत्न चालू आहे.हेही आपण लक्षात घेतले पाहिजे.सध्या एकूण आंतरराष्ट्रीय व्यापारात चीनकडून होणारी आयात जास्त व निर्यात कमी आहे.यामुळे चीनच्या उत्पादन विकत न घेता स्वदेशाचा आपण स्वीकार केला पाहिजे,असे आवाहन केले.हे झाले नाही तर भारतातील उद्योग-धंदे बंद पडून रोजगाराचे संकट पुढे येईल.हे आपण सर्वांनी लक्षात घ्यावे असे सांगून सर्वांना स्वदेशीच्या वापराची व स्वावलंबी भारत बनविण्याची सर्वांनी शपथ दिली.चीननेही आता भारत देश हा 1962 साल सारखा देश राहिलेला नसून एक बलाढ्य देश म्हणून सर्व जगभरात ओळखला जात असल्याने हे चीनने ओळखावे.उगचच भारत हा कुमकुवत देश असल्याच्या भ्रमात राहू नये,असा गर्भित ईशाराही ज्ञानेश्‍वर काळे यांनी दिला.या व्याख्यानासाठी एव्हरेस्ट अ‍ॅकॅडमीचे विद्यार्थी मोठ्या संख्येने उपस्थित होते.
