वीजनिर्मितीसाठी शेतातील पाचरटाचा वापर
मुळा कारखान्याच्या गव्हाणीचे पूजन संचालिका अर्चना दरंदले व दादासाहेब दरंदले तसेच सुनीता शेळके व दादासाहेब शेळके यांचे हस्ते करण्यात आल्यानंतर आज दि 30 उसाची पहिली मोळी गव्हाणीत टाकण्यात आली. यावेळी ते बोलत होते. कार्यक्रमाच्या अध्यक्षस्थानी मुळा कारखान्याचे अध्यक्ष नानासाहेब तुवर हे होते. यावेळी जेष्ठनेते यशवंतराव गडाख उपस्थित होते.
प्रारंभी कै. राजीव राजळे व कै कुंडलिक जगताप यांना श्रध्दांजली वाहण्यात आली. व्यवस्थापक शंकरराव पटारे यांनी गळीत हंगाम नियोजनाची माहिती देत सर्वाचे स्वागत केले. माजी सभापती कारभारी जावळे व कृषी उत्पन्न बाजार समिती कडुबाळ कर्डीले यांची यावेळी भाषणे झाली. अशोक जेम्स यांनी सूत्रसंचालन केले. प्रमुख मार्गदर्शनपर भाषणात संस्थापक यंशवंतराव गडाख म्हणाले, चाळीस वर्षांचा मोठा कालखंड पार पडला आहे बाराशे पन्नास मेट्रिक टन क्षमतेने चालू झालेला हा मुळा कारखाना पुढच्या वर्षी सात हजार मेटि ्रक टन करण्याचा शंकररावांचा प्रयत्न आहे. जुन्या लोकांनी विश्‍वासावर मला शेअर्स दिले. त्याला पात्र राहून काम केले. त्यामुळे आजचे हे सुख नवी पिढी पाहत आहे. उर्वरीत आयुष्य समाजासाठी देणार असल्याचे साहित्यिक गडाख म्हणाले.
