कीटकनाशकाच्या फवारणीसाठी चायनीज गनवर बंदी
मंत्रिमंडळ बैठकीनंतर पत्रकारांशी बोलतांना मुख्यमंत्र्यांनी ही घोषणा केली. विदर्भाच्या शेतक-यांच्या मृत्यूप्रकरणी संबंधीत दोषी कंपन्यांवर तसेच विक्रेत्यांवर कारवाई करण्यात येईल, असेही मुख्यमंत्र्यांनी जाहीर केले. शेतक-यांना प्रोटेक्टिव्ह मास्क देण्याचाही सरकारने निर्णय घेतला असल्याचे त्यांनी सांगितले. यवतमाळ जिल्ह्यात अलिकडेच कापसावर कीटकनाशकाची फवारणी करताना वीसपेक्षा अधिक शेतक -यांचा मृत्यू झाला. या घटनेमुळे शेतकरी वर्गात संतापाचे वातावरण निर्माण झाले आहे.
