वाम प्रवृत्तीविरोधात लढण्यासाठी सजग रहावे
यावेळी प्रा. जाधव म्हणाले, बळीराजाची आदर्श राज्य पध्दती, भारताची कृषी संस्कृती आणि त्यातील बळीराजाचे स्थान याबाबत विस्तृत माहिती सांगितली. कर्नाटकात साजरा होत असलेला ओणम सण याची अभ्यासपूर्ण माहितीही त्यांनी दिली. तसेच बळीराजाचा आदर्श घेताना वामन प्रवृत्तीविरोधात लढण्यासाठी बहुजन समाजाने सजग होण्याचे मत मांडण्यात आले. यावेळी लोकशाहीर अण्णाभाऊ साठे यांच्या पुतळ्याला अभिवादन करुन अमर गायकवाड म्हणाले, अत्यंत प्रतिकूल परिस्थितीत बळीराजा अभिवादनाचा कार्यक्रम आयोजित करण्यात येत आहे. आपल्या संस्कृतीचा मूळ पाया असलेल्या बळीराजाला अभिवादन करण्यासाठी समाजातील लोकांना वेळ नाही ही खरी शोकांतिका आहे.
यावेळी शाहीर प्रकाश फरांदे, संजय नीतनवरे, गौतम वाघमारे, मनोहर पवार, गौतम भोसले, अरुण पोळ, बळीराम जाधव, शाहीर रणदिवे यांच्यासह ओमकार तपासे यांनीही मनोगत व्यक्त केले. कार्यक्रमास बहुजन समाजातील कार्यकर्ते मोठ्या संख्येने उपस्थित होते.
