25 हजारांची लाच घेताना पोलिस शिपायास अटक
औरंगाबाद, दि. 19, ऑक्टोबर - पुंडलिकनगर पोलिस ठाण्याचा कॉन्स्टेबल सुनील नाडर याला लाच लुचपत प्रतिबंधक विभागाच्या पथकाने 25 हजार रुपयांची लाच घेताना अटक केली. ही कारवाई मंगळवारी दुपारी अडीच वाजता पोलिस ठाण्याच्या मागील अपार्टमेंटच्या पार्किंगमध्ये करण्यात आली. नाडार याने जीप चोरीप्रक रणी इन्शुरन्स रिपोर्ट देण्यासाठी लाच मागितली होती. या गुन्ह्यातील तक्रारदार लघुउद्योजक असून त्यांची बोलेरो जीप मे मध्ये चोरीला गेली आहे. याप्रकरणी पुंडलिकनगर पोलिस ठाण्यात गुन्हा दाखल आहे. जीपचा शोध लागत नसल्याने तक्रारदाराने विमा मंजुरीसाठी फायनल रिपोर्ट मागितला होता. त्याकरिता कॉन्स्टेबल नाडर याने 25 हजारांची लाच मा गितली. त्याने तक्रारदाराला मंगळवारी रक्कम घेऊन पुंडलिकनगर पोलिस ठाण्याच्या मागील अपार्टमेंटच्या पार्किंगमध्ये बोलावले होते. लाच लुचपत प्रतिबंध विभागाच्या पथका येथे सापळा रचून सुनील राजुअप्पा नाडर (वय 43) याला अटक केली. याप्रकरणी पुंडलिकनगर पोलिस ठाण्यात गुन्हा दाखल करण्यात आला आहे. ही कारवाई पोलिस अधीक्षक डॉ. श्रीकांत परोपकारी, अप्पर अधीक्षक जिरगे, डीवायएसपी किशोर चौधरी यांच्या मार्गदर्शनाखाली निरीक्षक भरत राठोड, सचिन गवळी, रवी देशमुख, संदीप आव्हाळे, गोपाल बरंडवाल, रवी आंबेकर, संदीप चिंचोले यांनी केली.