ऑनलाईन अर्ज भरून घेणे बंद करा : आ.बोंद्रेंची मागणी
नियोजन भवनात जिल्हा नियोजन समितीची सभा 24 ऑगस्ट रोजी संपन्न झाली. या सभेत आ.राहुल बोंद्रे यांनी विविध विषयावर आक्रमक स्वरूप धारण करीत काही मागण्या रेटल्या. त्यात जिल्हयातील 2.50 लक्ष शेतकर्‍यांना कर्जमाफी योजनेचा लाभ मिळणार असे सांगितले जात असतांना, शासनाने घोषणा करूनही कर्जमाफी साठी पात्र या शेतकर्‍यांपैकी केवळ 1181 शेतकर्‍यांना 10 हजार रुपये अग्रीम कर्ज देण्यात आल्याची बाब मांडून शासनाकडून भरून घेतल्या जात असलेले ऑनलाईन कर्जमाफी अर्जाची प्रक्रीया थांबवून शेतकर्‍यांना या त्रासातून मुक्ती देण्याची मागणी करीत त्या संदर्भात ठराव घेण्याची मागणी केली.अध्यक्षांनी त्यांचे अधिकारात ही मागणी चर्चेला न घेतल्याने यावर सभेत वातावरण तापले. याशिवाय जिल्हयाभरातील अवैध दारू विक्री त्यात अवैध दारू विक्रेत्यावर होत नसलेले कारवाई या बाबी उपस्थित करून संपुर्ण दारूबंदीचा ठराव घेण्याची मागणी करीत हा ठराव शासनाकडून मंजुर होई पयर्ंत पोलीस प्रशासनाकडून अवैध दारू व्रिकी विरोधात मोहिम उभारण्याची आग्रही मागणी आ.राहुल बोंद्रे यांनी केली. त्याशिवाय घरकुल योजने अंतर्गत लाभार्थ्यांना ई क्लास व एफ क्लास ची जमीन तातडीने उपलब्ध करून देण्याच्या संदर्भात मागणी त्यांनी रेटून धरली असता, येणार्‍या 15 दिवसाचे आत संबंधीतांची बैठक घेवून यावर आमंलबजावनी पुर्ण करण्याचे आश्‍वासन जिल्हयाधिकारी बुलडाणा यांनी दिली. सभेत बुलडाणा जिल्हयाचे पालकमंत्री यांचे मतदार संघातील एकफळ या गावातील रस्ता कामासाठी जमीनीचे अधिग्रहन दोन शेतकर्‍यांनी थांबविले, त्यावर मंत्री महोदयांनी जानेवारी महिन्यात प्रशासनास स्पष्ट निर्देश दिले. मात्र या बाबीस आठ महिने उलटूनही अधिग्रह व रस्त्याच्या कामात काहीही प्रगती नाही.
खुद पालकमंत्र्यांनी आदेश देवूनही काम होत नसेल तर इतरत्र स्थिती काय यावर प्रश्‍न चिन्ह उभे केले. शिवाय पालकमंत्री जिल्हयातील असूनही नियोजन समितीच्या सभा 8-8 महिने होत नसल्याचा मुद्या उपस्थित केला, त्यावर दरमहा सभा घेण्याचे आश्‍वासन पालकमंत्री यांनी दिले.
