श्रीनगर, दि. 04, सप्टेंबर - जम्मू काश्मीरमधील सोपोर येथील शांगरगुंड भागात सुरू असलेल्या चकमकीत दोन दहशतवादी ठार झाले आहेत. दोन दहशतवादी लपल्याच्या माहितीनंतर येथे सुरक्षा दलाकडून शोध मोहिम राबवण्यात आली होती. त्यावेळी दहशतवाद्यांकडून गोळीबार करण्यात आला. त्याला सुरक्षा दलाकडून चोख प्रत्युत्तर देण्यात आले. त्यात दोन दहशतवादी ठार झाल्याची माहिती अधिका-यांकडून देण्यात आली. चकमक अद्याप सुरू असल्याचे समजते.
