नांदेड, दि. 04, सप्टेंबर - जिल्हयातील पैनगंगा नदीवरील सहस्त्रकुंड धबधबा पाहण्यासाठी आलेल्या युवकाचा पाण्यात पडून मृत्यू झाला असून सदर युवकाची ओळख अदयाप पटली नाही. शनिवारी बाणगंगा महादेव मंदीराच्या पायथ्याशी असलेल्या सहस्त्रकुंड धबधब्या समोर एका युवकाचा तोल जावुन शंभर फुट खाली कुंडात पडून मृत्यू झाला.सदर युवक पडताना अनेकांनी पाहिले मात्र कोणीही त्याला वाचवू शकले नाही त्याचा मृतदेह आज रविवारी सकाळी सीतेची नहाणी परिसरात पाण्यावर तरंगताना अढळला.या युवकाची अदयाप ओळख पटली नाही.
