अवैध मासेमारीला प्रतिबंध करण्यासाठी समुद्रामध्ये पोलिसांकडून गस्त
या बैठकीमध्ये सिंधूदुर्ग जिल्ह्यात राबविण्यात येत असलेल्या चांदा ते बांदा या योजनेंतर्गत क्रॅब हॅचरीजची निर्मिती, पिंजरा पद्धतीने मत्स्यसंवर्धन (केज फिशींग) आदी योजना राबविण्याच्या सूचना पदुम मंत्री श्री. जानकर यांनी दिल्या. मासेमारांनीआपापल्याविभागामध्येमासेमारीकरावीयासाठी आवश्यक त्या सुविधा उपलब्ध करुन देण्यात येतील. सागरमाला योजनेंतर्गत आधुनिक जेट्टी उभारणीचे प्रस्ताव तयार करावेत, अशा सूचनाही बैठकीत देण्यात आल्या.
सिंधुदूर्ग जिल्हा तसेच कोकण विभागात परराज्यातून येऊन मच्छीमारी केली जात असल्यामुळे स्थानिक पारंपरिक मच्छिमार तसेच यांत्रिकी पद्धतीने मासेमारी करणार्या नौकाधारक मच्छिमारांचे मोठ्या प्रमाणात नुकसान होते. राज्यातील मच्छीमारांचे हित जोपासण्यासाठी या अवैध मासेमारीला प्रतिबंध घालण्याच्या दृष्टीने उपाययोजना करण्याबाबत बैठकीत चर्चा झाली. त्यासाठी मत्स्यव्यवसाय विभागाला पोलीस दलाकडून आवश्यक ते सहाय्य दिले जाईल, असे श्री. केसरकर म्हणाले.
बैठकीमध्ये समुद्रात मासेमारी करण्यासंबंधी सोमवंशी समितीने दिलेल्या अहवालाचा अभ्यास करून त्यावर संशोधन करण्यासाठी एक समिती स्थापन करण्याचे निश्चित करण्यात आले. समुद्रातील मत्स्यसाठ्यांचे संवर्धन करुन पर्यावरणास अनुकूल पद्धतीने मासेमारी कशा प्रकारे करावयाची याबाबतही या समितीने सूचना कराव्यात, असे या बैठकीत ठरले. समुद्रातील मच्छीमार नौकांवर लक्ष ठेवण्यासाठी गृह विभागाची कशी मदत घेतली जावू शकते. यासाठी एक प्रस्ताव तयार करून गृहविभागाकडे देण्यात यावा, असेही श्री. केसरकर यांनी सांगितले.
