हरयाणातील परिस्थिती नियंत्रणात, रेल्वे-बस सेवा पूर्ववत होण्याच्या दिशेने
सिरसामधून डेरा सच्चा सौदाच्या मुख्यालयातून तब्बल तीन हजार ते चार हजार समर्थक माघारी परतत आहेत. 28 ऑगस्टला न्यायालय गुरमीत राम रहिम यांना शिक्षा सुनावणार आहे . या पार्श्‍वभूमीवर कडेकोट सुंदोबस्त ठेवण्यात आला आहे. राम रहिम यांना ठेवण्यात आलेल्या रोहतकमधील सुनारिया तुरूंग परिसरातही कडक सुरक्ष बंदोबस्त ठेवण्यात आला आहे. शुक्रवारी झालेल्या हिंसाचार व जाळपोळ प्रकरणी पंचकूलामधून सहा जणांना, सिरसामधून चार, कैथलमधून 13, भिवानीमधून तीन, करनालमधून चार, फतेहाबादमधून एक, अंबालामधून दोन व पानीपतमधून एक अशा एकूण 34 तक्रारी नोंदवण्यात आल्या आहेत. या प्रकरणी 552 जणांना अटक करण्यात आली आहे.
