प्रो कबड्डीने टाकले क्रिकेटला मागे
टीआरपीमध्ये क्रिकेटपेक्षा प्रो कबड्डी लीगचे सामने सर्वाधिक पाहिले गेले तर भारत-श्रीलंका यांच्यातील सामने पाहणार्यांच्या तुलनेत कबड्डीचे सामने पाहणारा प्रेक्षकवर्ग वाढला आहे. नुकतीच बार्कने टीआरपी रेटिंग जाहीर केली. या रेटिंगनुसार 32व्या आठवड्यात तब्बल 31.6 कोटी प्रेक्षकांनी स्टार्स स्पोर्ट्स फर्स्ट(इंग्रजी) आणि स्टार स्पोर्ट्स (हिंदी) या चॅनेलवरील कबड्डीचे सामने पाहिले. इंग्रजी भाषेतील चॅनेलवरुन तब्बल 20.6 कोटी प्रेक्षकांनी तर हिंदी चॅनेलवरुन 10.9 कोटी लोकांनी सामने पाहिले. तर दुसरीकडे भारत-श्रीलंका यांच्यातील सामने पाहणार्यांची संख्या 7.9 कोटी इतकी होती. तसेच भारतात सर्वाधिक पसंती दिल्या जाणार्या पहिल्या पाच कार्यक्रमांमध्ये क्रिकेटचा समावेशही नाही.
