रस्त्यावरील खड्डे ,विसर्जन व्यवस्था यांवर नाराजीचा सूर !
भर पावसात खड्डे बुजवले जात आहेत यावरून महापालिका किती निष्कळजीपणे काम करीत आहे.तर महिनाभरापूर्वीच नियोजन का केले जात नाही ?असे सवाल शहर अभियंताना विचारण्यात आले गणेश मंडळाना एक खिडकी योजनेतून परवानगी देण्यातही काही ठिकाणी टाळाटाळ केली जात असल्याचे एका मंडळाच्या पदाधिका-यांनी सांगितले. तर शहरातील मुख्य रस्त्यावर गटारीचे मॅनहोल उघडे आहेत, उत्सव काळात रस्त्यावर उघड्यावर अन्नपदार्थ विकले जातात त्यावरही कारवाही करण्याची मागणी मंडळांनी केली .विसर्जन करणार्या कोळी बांधवाना गेली दोन वर्ष कोणतेही मानधन मिळत नसल्याची व्यथा कोळी बांधवांच्यावतीने मांडण्यात आली.महापालिका परिसरात कल्याण पूर्वेत तीन,तर पश्चिमेत एका ठिकाणी कृत्रिम तलाव तयार करण्यात येणार असल्याची माहिती कुलकर्णी यांनी दिली. सर्व समस्या लवकरात लवकर सोडवण्यात येतील, असे आश्वासन शहर अभियंता कुलकर्णी यांनी दिले.2 सप्टेंबरला बकरी ईद आणि त्याच दिवशी मेळा संघातील गणपतींचे विसर्जन असल्याने सुरक्षेची काळजी घेतली जाईल, अशी ग्वाही पोलीस उपायुक्त डॉ.संजय शिंदे यांनी दिली.
