मारबत मिरवणुकीत चीन, ब्ल्यु व्हेल गेमचे बडगे निघणार
जगात एकमेव असलेली ’मारबत व बडग्या’ मिरवणुकीला आता लोकोत्सवाचे स्वरुप मिळाले आहे. नागपूरचे वेगळे वैशिष्ट अधोरेखित करणारी बडग्या- मारबत मिरवणूक विदर्भाचे सांस्कृतिक वैभव समजली जाते. प्रतिकात्मक बडगे आणि त्यावर लिहिलेले उपाहासात्मक संदेश मारबत-बडग्या मिरवणुकीत सर्वांचेच लक्ष वेधून घेत असतात. यंदा जीवघेणा मोबाईल गेम ब्लू व्हेलचा बडग्या गंजीपेठ येथील बालमित्र बडग्या उत्सव मंडळ काढणार आहे. तर खैरीपूरा येथील युवा शक्ती मंडळ भारतीय सीमेवर घुसखोरी करणा-या चीनविरोधात बडग्या काढणार आहे. काश्मीर दहशतवादी यांसह विविध समस्यांचा वेध घेणार बडगे,लालगंज, मस्कासाथ परिसरातून निघणार आहे.
