साता-यात पाठकजी कुटुंबियांनी साकारला संगीतगणेश
या अनोख्या सजावटीबद्दल माहिती देताना पदमाकर म्हणाले की, ज्या शहरात आमच्यावर संगीताचे संस्कार झाले आणि जेथे आमच्यातील कानसेन घडला त्या साता-यातील संगीतसाधकांच्या नावांचे संकलनही या निमित्ताने झाले. अगदी दरबारी गायकांपासून ते आजच्या पिढीतील गायक-वादक, संगीताचे शिक्षण देणा्या संस्था यांच्या नावांचे संकलन करण्यात आले. सजावटीमध्ये वैविध्य आणण्यासाठी वाद्यांच्या छायाचित्रांच्या साह्याने सजवलेली दीपमाळ, संगीतातील विविध रागांची कमान, विविध राग आणि तालांपासून तयार केलेला स्वर-ताल वृक्ष अशा विविध गोष्टी घरीच तयार केल्या. साता-यातील विविध कलाकारांनी विविध वाद्यांचे वादन करणा-या गणेशाची चित्रे साकारली. या संपूर्ण सजावटीला पूरक गोष्ट म्हणून वीणा वादन करणारा गणपती प्रसाद चव्हाण या खास मूर्तिकाराकडून करून घेतला. गेले काही महिने सुरू असलेल्या अथक मेहनतीतून हा संगीतगणेश साकारला आहे. एकंदरीतच हा संगीतगणेश म्हणजे एक देशातील संगीत क्षेत्राचा सुरेल प्रवासच येथे आपणाला पहायला मिळत आहे. त्यामुळे वेळात वेळ काढून सार्वजनिक गणेश मंडळाच्या सजावट देखावे पाहण्याप्रमाणेच हाही संगीत देखावा सातारकरांनी निश्‍चितच पाहण्याजोगा आहे.
