दहशतवाद्यांना अर्थपुरवठा : चौघांच्या न्यायालयीन कोठडीत 30 दिवसांची वाढ
पटियाला हाऊस न्यायालयाच्या जिल्हा न्यायाधीश पूनम बांबा यांच्यासमोर सुनावणी झाली. यामध्ये गिलानी यांचे जावई अलताफ अहमद शाह उर्फ फंटुश, राजा मेहराजुद्दीन कलवाल, मोहम्मद नईम खान व बशीर अहमद भट यांचा समावेश आहे. 14 दिवसांच्या न्यायालयीन कोठडीनंतर त्यांना न्यायालयासमोर हजर करण्यात आले होते.
या चौघांचे अन्य तीन सहकारी शाहिद कलाम उर्फ शाहिद उल इस्लाम, फारूक अहमद डार, मोहम्मद अकबर उर्फ अयाज यांना 1 सप्टेंबरपर्यंत न्यायालयीन कोठडी सुनावली आहे. राष्ट्रीय तपास यंत्रणेने एकूण 7 आरोपींना 24 जुलै रोजी अटक केली होती.
