नाशिक महामार्गावर कसार्‍याजवळ पेट्रोल चोरी, पेट्रोल पंप सील
मुंबई-नाशिक महामार्गाला लागूनच असलेल्या दुर्गा ऑटो पेट्रोलपंपवर वाहनांची मोठी गर्दी असते. आज सकाळी ठाणे गुन्हे शाखेचे उपायुक्त अभिषेक त्रिमुखे यांच्या नेतृत्त्वाखाली या पंपावर अचानक धाड टाकण्यात आली.
यावेळी चीप आणि पासवर्डच्या सहाय्यानं इथं पेट्रोल आणि डिझेलची चोरी होत असल्याचं उघड झालं. पेट्रोलमध्ये 5 लिटरमागे 100 मिली आणि डिझेलमध्ये 5 लिटरमागे 170 मिलीची लूट इथं होत होती. हा सगळा प्रकार गुन्हे शाखेनं समोर आणत पेट्रोल पंप सील केलं.
