पंजाब विधानसभा सभागृहात ‘आप’च्या आमदारांना धक्काबुक्की
आप आमदार सुखपालसिंग खैहरा आणि लोक इंसाफ पक्षाचे सिमरजित सिंग बैंस यांच्यावर निलंबनाची कारवाई करण्यात आली होती. या दोघांना विधानसभेत प्रवेश देऊ नये असे आदेश विधानसभा अध्यक्षांनी दिले होते. या दोघांना सुरक्षा कर्मचार्यांनी अडवल्यामुळे आप आमदार आक्रमक होऊन त्यांनी घोषणाबाजी सुरु केली. याकारणास्तव विधानसभा अध्यक्षांनी गोंधळ करणा-या आमदारांनाही सभागृहाबाहेर काढण्याचे आदेश दिले. यामध्ये झालेल्या धक्काबुक्कीमध्ये आपचे काही आमदार जखमी झाले. तर आमदार सरबजीत मानुके या बेशुद्ध झाल्या.
