रायगड, दि. 07 - रायगड जिल्ह्यातील खालापूर येथील नदीत बुडून आज सकाळी पाच जणांचा मृत्यू झाल्याची घटना घडली. मृतांमध्ये दोन महिला आणि तीन लहान मुलांचा समावेश असल्याचे सांगण्यात येत आहे. येथील शिरवली नदीवर आज सकाळी आपल्या मुलांसह काही महिला कपडे धुण्यासाठी गेल्या होत्या. यामधील पाच जण नदीत बुडाले असल्याचे अधिका-यांनी सांगितले. या दुर्घटनेमागचे कारण अद्याप स्पष्ट झालेले नाही. या दुर्देवी घटनेमुळे नागरिकांकडून हळहळ व्यक्त केली जात आहे.
