नवी दिल्ली, दि. 07 - पाकिस्तानी कलाकार व क्रिकेटपटू बॉम्ब हल्ले करत नाहीत. त्यामुळे त्यांच्यावरील बंदी रुचत नसल्याचे अभिनेते व खासदार परेश रावल यांनी म्हटले आहे. मला पाकिस्तानातील चित्रपट व मालिकांमध्ये काम करणे आवडेल, असेही ते म्हणाले. पाकिस्तानी टेलिव्हिजन मालिकांबाबत बोलताना ते म्हणाले की, हमसफर सारख्या काही पाकिस्तानी मालिका मला आवडतात. त्यातील अभिनय, कथा, त्यांची भाषा सर्वच चांगले असते. कधी कधी आपले कार्यक्रम तितक्या दर्जाचे नाहीत, असेही वाटते, असेही ते म्हणाले. क्रिकेटपटू वा कलाकार दहशतवादी नाहीत. ते उभय देशांमधील दरी भरण्याचेच काम करतात, असेही ते म्हणाले.
