पाचही वनडेत अजिंक्य रहाणे सलामीला येईल: विराट कोहली
चॅम्पियन्स ट्रॉफीमध्ये रोहित आणि शिखर धवन ही सलामीची जोडी होती. मात्र, या मालिकेत रोहितला विश्रांती देण्याचा निर्णय निवडी समिती घेतला. त्यामुळे आता रहाणेला संघात संधी मिळणार आहे. जेव्हा सलामीच्या जोडीबद्दल कोहलीला विचारण्यात आलं तेव्हा तो म्हणाला की, ‘आमच्याकडे अजिंक्य आहे. जो चॅम्पियन्स ट्रॉफीपासून बॅकअप ओपनर आहे. तो नक्कीच या मालिकेत शिखर धवनच्या साथीनं सुरुवात करेल. डावाच्या सुरुवातीला त्यानं अनेकदा चांगलं प्रदर्शन केलं आहे.’कोहली पुढे म्हणाला की, ‘तो मधल्या फळीतही खेळला आहे. पण सलामीला त्याची फलंदाजी आणखी खुलून येते. त्यामुळेच या पाचही सामन्यात तो डावाची सुरुवात करेल.’
