क्रिकेटमधील भवितव्याबाबत ऑगस्टमध्ये निर्णय घेईन : डिव्हिलियर्स
कर्णधार म्हणून मला माझ्या संघाला पुढे न्यायचे आहे आणि विश्‍वचषक जिंकून द्यायचा आहे. पण, केवळ माझ्या मतापेक्षाही संगाचे आणि मंडळाचे मत हे अधिक महत्वाचे आहे. त्यामुळे मी ऑगस्टमध्ये द. आफ्रिका क्रिकेट मंडळाच्या अधिका-यांची भेट घेणार आहे. त्यानंतरच मी माझ्या क्रिकेटमधील भवितव्याबाबत निर्णय घेईन, असे डिव्हिलियर्स म्हणाला. नुकत्याच झालेल्या चॅम्पियन्स करंडक स्पर्धेत आफ्रिकेचा संघ साखळी फेरीतच बाद झाला. त्यामुळे डिव्हिलियर्सच्या नेतृत्वावर प्रश्‍न उपस्थित करण्यात येत होते. तशातच इंग्लंडविरूद्धच्या टी20 मालिकेतही आफ्रिकेला पराभव पत्करावा लागला असल्यामुळे डिव्हिलियर्सच्या अडचणीत अधिखच वाढ झाल्याचे दिसत आहे.
