युवराज आणि धोनीबाबत निर्णय घेण्याची वेळ : राहुल द्रविड
भारतीय क्रिकेटचं भवितव्य म्हणून ते (निवड समिती) काही विचार करत आहेत का? पुढच्या काही वर्षांमध्ये या दोघांची (युवराज, धोनी) संघात भूमिका काय आहे? दोघांनाही संघात जागा आहे का? किंवा एखाद्यालाही संघात जागा आहे का?, असा सवाल द्रविडने केला आहे.
वर्ष किंवा सहा महिन्यात तुम्हाला (निवड समिती आणि व्यवस्थापन) पुनर्मुल्यांकन करण्याची इच्छा आहे का? या दोन खेळाडूंना संधी देण्यापूर्वी सध्या उपलब्ध असलेल्या कौशल्यवान खेळाडूंकडे पाहण्याची आणि त्यांची कामगिरी पाहण्याची इच्छा आहे का, असा सवालही द्रविडने केला. आयसीसी चॅम्पियन्स ट्रॉफीनंतर टीम इंडिया वेस्ट इंडिजला रवाना झाली आहे. या मालिकेतला पहिला वन डे शुक्रवारी खेळवला जाणार आहे. या मालिकेत युवा खेळाडूंना अंतिम 11 मध्ये जास्तीत जास्त संधी मिळावी, अशी इच्छा द्रविडने व्यक्त केली.
