रोहित शर्माच्या ‘या’ खेळीमुळे श्रीलंकेला आजही धडकी भरते!
खरंतर श्रीलंकेच्या गोलंदाजांविरोधात हिटमॅन अधिक आक्रमक होतो, असा पूर्व-इतिहास आहे. कोलकात्यात श्रीलंकेविरोधातच रोहित शर्माने 264 धावांची खेळी केली होती. ही धडाकेबाज खेळी श्रीलंकन टीम कधीच विसरु शकत नाही. हिटमॅन रोहित शर्मा श्रीलंकन टीमसाठी कायमच धोकादायक ठरला आहे. मॅथ्यूज असो वा मलिंगा कुणासमोरही रोहित शर्माने संयमी खेळी केली नाही. रोहित शर्माने आतापर्यंत श्रीलंकेविरोधात एकूण 35 सामने खेळले. यामध्ये 86 च्या स्ट्राईक रेटने 965 धावांची नोंद केली आहे. यात 3 अर्धशतकं आणि 2 शतकांचा समावेश आहे. त्यामुळे चॅम्पियन्स ट्रॉफीमधील आगामी सामन्यात रोहित शर्मा हा श्रीलंकेसाठी मोठं आव्हान ठरणार आहे, एवढं नक्की.
