दक्षिण मुंबईतील 8 वाहनतळांवर लवकरच ऑनलाईन बुकिंग होणार सुरु
ऑनलाईन बुकिंग / प आधारित बुकिंग सुविधेच्या पहिल्या टप्प्यात 8 वाहनतळांवर ही सुविधा देण्याचे प्रस्तावित करण्यात आले आहे. यामध्ये महात्मा ज्योतिबा फुले मंडई (क्रॉफर्ड मार्केट) जवळील 3 वाहनतळांवर 222, हुतात्मा चौकातील 2 वाहनतळांवर 147, काळाघोडाजवळ 50, एरॉस जंक्शनला 42 आणि रिगल सर्कलला 24 याप्रमाणे 8 वाहनतळांवर एकूण 485 जागा वाहने उभी करण्यासाठी जागा उपलब्ध आहेत. या वाहनतळांवर ऑनलाईन बुकिंग / प आधारित बुकिंग सुविधा साधारणपणे पुढील 3 महिन्यात सुरु करण्याच्या दृष्टीने प्रयत्न सुरु आहेत.
या बाबत घेण्यात आलेल्या प्राथमिक चाचणीच्या वेळी महापालिका आयुक्त श्री. अजोय मेहता यांच्याशिवाय अतिरिक्त आयुक्त (पूर्व उपनगरे) श्री. विजय सिंघल, उपायुक्त (महापालिका आयुक्त कार्यालय) श्री. रमेश पवार, प्रमुख अधिकारी (आपत्ती व्यवस्थापन) श्री. महेश नार्वेकर, ’ए’ विभागाचे सहाय्यक आयुक्त श्री. किरण दिघावकर यांच्यासह संबंधित अधिकारी उपस्थित होते.
