‘बालभारत 2017’च्या शिबीरात रंगले मुले
यावेळी उपक्रमाबद्दल माहिती देतांना शिबीराचे संयोजक संभाजी कदम यांनी सांगितले की, सध्या उन्हाळ्याच्या सुट्या असल्याने मुलांना शिस्तीत धमाल व मस्ती करण्यासाठी या बालभारत उपक्रमांचे आयोजन करण्यात आले आहे. सध्या मुलांमध्ये एकत्र येण्याचे प्रमाण कमी होत चालले आहे. मुले मोबाईल गेममध्येच गुंतून राहू लागले आहेत. त्यामुळे त्यांच्या कला-गुणांना वाव देण्यासाठी व त्यांचा सर्वांगिण विकास करण्यासाठी हा उपक्रम हाती घेतला आहे. उन्हाळा तीव्र असल्याने मुलांना बाहेर खेळता येत नाही. त्यामुळे सर्व मुलांना एकत्रित करुन त्यांना आपल्या आवडत्या विषयाचे ज्ञान मिळावे, या उद्देशाने या शिबीरचे आयोजन केले आहे.
