राजीनामा देणार की कारागृहात जाणार, मनोज तिवारींचा केजरीवाल यांना सवाल
एका मंत्रिमंडळातील मंत्री स्वत: साक्षीदार झाले आहेत. प्रत्यक्षदर्शी व्यक्तीच्या साक्षीला घटनेत महत्वाचे स्थान आहे आणि हा पुरावा भक्कम समजला जातो. इतकेच नव्हे तर शुंगलू समितीनेही केजरीवाल यांच्यावर भ्रष्टाचाराचे आरोप केले आहेत. यामुळे केजरीवालांविरोधात कारवाई झाली पाहिजे. केजरीवाल यांनी राजीनामा द्यावा आणि केंद्रीय अन्वेषण विभागामार्फत या प्रकरणाची चौकशी करण्यात यावी, अशी मागणीही त्यांनी यावेळी केली. केजरीवाल नेहमी नैतिकतेच्या गोष्टी करत असतात. आता त्याच नैतिकतेच्या आधारावर त्यांनी राजीनामा द्यावा. केजरीवाल यांना सत्तेची भूक आहे. सत्तेच्या लोभापाई केजरीवाल खुर्चीला चिकटून बसले आहेत, असा टोला तिवारी यांनी लगावला.
