केजरीवाल भ्रष्टाचार करणे शक्यच नाही - कुमार विश्वास
दिल्लीचे माजी पर्यटन मंत्री कपिल मिश्रा यांनी अरविंद केजरीवाल यांच्यावर टीका केली. केजरीवाल यांना आरोग्य मंत्री सत्येंद्र जैन यांनी दोन कोटी रुपये दिले असून हा संपूर्ण प्रकार माझ्यासमोर घडला असल्याचा दावा कपिल मिश्रा यांनी केला. या पार्श्वभूमीवर विश्वास यांनी आपली प्रतिक्रिया व्यक्त केली. केजरीवाल भ्रष्टाचार करतील किंवा लाच घेतील असा विचारही मी कधी करू शकत नाही, असेही विश्वास म्हणाले. कपिल मिश्रा यांच्या आरोपानंतर काँग्रेस आणि भारतीय जनता पक्षाने ‘आप’वर टीका केली आहे.
