परभणी, दि. 29 - परभणी-पेडगाव रेल्वेमार्गावेला मोठा अपघात घडविण्याचा समाजकंटकांनी केलेला प्रयत्न वेळीच उघडकीस आल्याने पोलिसांनी हाणून पाडला. या रेल्वेमार्गावर जांब शिवारात पटरीवर दहा किलो वजनाचा लोखंडी रॉड लोहमार्गावर टाकून अपघात घडविण्याचा प्रयत्न करण्यात आला होता. मात्र या प्रकाराची माहिती रेल्वे या ठिकाणी येण्याच्या पुरेसे आधीच पोलिसांना मिळाल्याने पोलिसांनी तातडीने घटनास्थळी धाव घेतली व घटनास्थळाची पाहणी केली. या प्रकरणी दैठणा पोलीस ठाण्यात गुन्हा दाखल करण्यात आला आहे. वेळीच सावधगिरी बाळगल्याने रेल्वेचा मोठा अपघात टळला आहे.
