सचिनच्या चित्रपटाचा ‘वीकेंड मास्टरब्लास्ट’; तीन दिवसांत 27.85 कोटींचा गल्ला
हा सिनेमा हिंदी, मराठी, इंग्रजी, तमिळ आणि तेलुगू या भाषांमध्ये प्रदर्शित झाला आहे. भारतात एकूण 2400 आणि परदेशात 400 चित्रपटगृहात हा सिनेमा प्रदर्शित करण्यात आला आहे. या चित्रपटासाठी प्रेक्षकांनी आणि चाहत्यांनी अक्षरश: रांगेत उभे राहून तिकीटे काढली. ‘सचिनचा चरित्रपट अप्रतिम आहे. आम्हाला ज्या प्रकारच्या चित्रपटाची अपेक्षा होती, तसाच दर्जेदार चित्रपट पहायला मिळायला. त्यामुळे हा चित्रपट पाहिलाच पाहिजे’, असे चित्रपटगृहातून बाहेर पडलेल्या चाहत्याने सांगितले. काही लोक समुहाने चित्रपट बघायला आले होते. ‘सचिनचे आम्ही चाहते आहोत. त्यामुळे चित्रपट एकत्र पाहण्याची वेगळीच मजा आम्ही अनुभवली, असे त्या समुहाने सांगितले. ‘धोनीचा चरित्रपट सुंदर होता आणि सचिनचा चरित्रपटही अप्रतिम आहे. दोन्ही चित्रपट पूर्णपणे वेगळे असल्यामुळे ते अधिक आवडले, असे एका प्रेक्षकाने सांगितले. तर ‘संपूर्ण चित्रपटागृहात मैदानासारखे वातावरण होते’, अशी प्रतिक्रीयादेखील ऐकायला मिळाली.
