उडानच्या माध्यमातून नांदेड-हैदराबाद विमानसेवा आजपासून सुरु
पंतप्रधान मोदी उद्या गुरुवारी शिमल्यातून या योजनेचं लोकार्पण करणार आहेत. पीएमओनं यासंबंधी ट्विट करुन उडान ही योजना देशातील सामान्य नागरिकाचा अधिकार आहे. प्रादेशिक संपर्क वाढवण्यासाठी मोठ्या पातळीवर सुरु करण्यात आलेली ही पहिलीच योजना असल्याचं या ट्विटमध्ये म्हणण्यात आलं आहे. देशातील महत्त्वाच्या शहरांना जोडण्यासाठी क्षेत्रीय संपर्क योजना ऑक्टोबर 2016 मध्येच सुरु करण्यात आली होती. मात्र उद्या गुरुवारी या योजनेचं लोकार्पण होणार आहे. जवळपास 500 किमीसाठी एक फिक्स्ड विंग एअरक्राफ्ट असेल, ज्याच्या माध्यमातून 1 तासाच्या प्रवासासाठी किंवा हेलिकॉप्टरने अर्ध्या तासाच्या प्रवासासाठी भाडं फक्त 2500 रुपये असेल.
