एलआयसीतर्फे दोन नव्या विमा योजना महिलांसाठी आधार शीला; पुरुषांसाठी आधार स्तंभ
गडपायले म्हणाले, या दोन्ही योजनांसाठी विमेदाराचे किमान वय 8 वर्ष पूर्ण तर कमाल वय 55 वर्ष असणे आवश्यक आहे. या पॉलीसीची मुदत 10 वर्षे, 15 वर्षे व 20 वर्षे अशी आहे. किमान विमा रक्कम 75 हजार ते कमाल विमा रक्कम 3 लाख रुपये आहे. वार्षिक, सहामाही आणि त्रैमासिक व मासिक हप्ते भरण्याची सोय आहे. दोन्ही विमा योजनांसाठी आधारकार्ड असणे अनिवार्य आहे. गेल्या आर्थिक वर्षात साताराचे जिल्हाधिकारी अश्‍विन मुद्गल यांच्या सहकार्याने सातारा-सांगली जिल्ह्यातील 213 गावे विमाग्राम करण्यात एलआसीला यश आले आहे. त्यासाठी 1 कोटी 40 लाख रुपये या गावांना मदत दिली आहे. त्यापैकी 45 गावांना 1 लाखापेक्षा जास्त मदत दिली आहे. यंदाच्या वर्षी 1 हजार गावे विमा ग्राम घोषित करण्याचा आमचा मनोदय असल्याचे गडपायले यांनी सांगितले.
