‘आधी मंत्रिपदं सोडा आणि मग आम्हाला पाठिंबा द्या,’ शेतकर्‍यांनी शिवसेनेला सुनावलं!
गेला काही दिवसांपासून मुंबई-नागपूर समुद्धी महामार्गाला मोठ्या प्रमाणात विरोध सुरु आहे. शिवडे गावातील शेतकर्‍यांनी आंदोलन पुकारलं आहे. या भागात आमदार आणि खासदार हे शिवसेनेचे आहेत. मात्र, यापैकी कुणीही अधिकार्‍यांशी चर्चा करायला आलं नसल्याचा दावा शेतकर्‍यांनी केला आहे. त्यामुळे आज शेतकर्‍यांची भेट घ्यायला आलेल्या खासदार गोडसे यांना शेतकर्‍यांच्या रोषाला सामोरं जावं लागलं.
