रामदेव बाबा रेस्टॉरंट बिझनेसमध्येही, पतंजली पौष्टिक हॉटेल सुरु
सध्या या रेस्टॉरंटचं औपचारिक उद्घाटन झालेलं नाही. यासाठी बाबा रामदेव आणि आचार्य बालकृष्ण यांच्या तारखेची प्रतीक्षा आहे. काही वृत्तानुसार, पौष्टिक रेस्टॉरंटमध्ये शाकाहारी जेवणच मिळेल. शिवाय रेस्टॉरंटची थीम पूर्णत: घरगुती आहे. हॉटेलमधील बहुतांश वस्तू लाकडापासून बनलेल्या असून भांडी माती आणि तांब्याची आहेत. लायटिंगपासून डिझाईनमध्ये पतंजलि ब्रॅण्डचा रंग दिसतो. मेन्यू कार्ड आणि रेस्टॉरंटचं डिझाईन पतंजलीच्या कुशल व्यवस्थापक आणि रामदेवबाबांच्या सल्ल्यानुसार तयार केलं आहे. इतकंच नाही तर मेन्यू कार्डवर रामदेव बाबा आणि बालकृष्ण यांचे फोटोही आहेत. याशिवाय मेन्यू कार्डवर लोकांच्या आरोग्याबाबत काही गोष्टी लिहिल्या आहेत.
