दिल्लीच्या मेट्रो स्टेशनवरील स्क्रिनवर पॉर्न
दिल्ली मेट्रोचे प्रवक्ता अनुज दयाल यांनी सांगितलं की, डीएमआरएस ला (दिल्ली मेट्रो रेल कॉर्पोरेशन) या व्हिडीओबद्दल काहीच माहिती नाही. पण स्टेशनवरील स्क्रिन खासगी ठेकदाराकडून चालवण्यात येत असून, त्याच्या तपासणीचं काम सध्या सुरु आहे. याचं काम अद्याप पूर्ण झालं नाही.
तसेच या घटनेची चौकशी करण्यात येणार असून, यानंतरच कारवाई करु असं दयाल यांनी स्पष्ट केलं. शिवाय अशा घटना पुन्हा होणार नाहीत यासाठी योग्य ती खबरदारी घेतली जाईल असंही सांगितलं. दरम्यान, गेल्यावर्षी ऑगस्ट महिन्यात पुण्यातील कर्वे रोडवरील मोठ्या स्क्रिनवर पॉर्न व्हिडीओ सुरु झाल्याने खळबळ उडाली होती. या घटनेवेळी कर्वे रोडवर वाहतुकीची मोठी कोंडी झाली होती. तांत्रिक बिघाडामुळे हा प्रकार घडल्याचं यावेळी सांगण्यात येत होतं.
